“Barselona”: Shu futbolchi ketsa bo‘ldi, uni tekinga olinglar!

“Barselona” klubdan ketishdan bosh tortayotgan frantsiyalik himoyachi Samyuel Umtitini 31 avgustga qadar bosh jamoaga berib yubormoqchi.

Anchadan beri asosiy tarkibdan chetda qolayotgan Umtitiga yoz bo‘yicha turli jamoalardan takliflar bo‘ldi. Biroq, u zaxirada o‘tirib bo‘lsa ham, Kataloniya klubidan mo‘may maosh olish maqsadida birorta taklifni qabul qilmadi.

Ayni paytda Ronald Kumanga umuman kerak bo‘lmay qolgan himoyachiga “Monako” va “ Nitstsa”dan qiziqish bo‘lmoqda. Kataloniya superklubi xo‘jayinlari agar Evropa Chempionlar ligasida ishtirok etmaydigan jamoa Umtitiga og‘iz solsa, himoyachini bepul berib yuborishga ham tayyor ekanini bildirdi.