"Барселона" Силлессеннинг нархини эълон қилди

"Барселона" клуби дарвозабони Яспер Силлессен мавсумлар оралиғида жамоасини ўзгартириши мумкин. Бу ҳақда Marca нашри хабар тарқатмоқда.

Юқоридаги манбаага кўра каталонияликлар 29 ёшли голландиялик посбонни гарчи товон пули 60 млн евро этиб белгиланган бўлсада 50 млн евро эвазига қўйиб юборишга тайёр. Таъкидлаш керакки, етарли ўйин амалиётига эга бўла олмаётгани боис Силлессеннинг ўзи раҳбариятдан трансферга қўйишларини сўраган. Агар у жамоадан кетса, “Барселона” унинг ўрнига дарвозабон сотиб олишига тўғри келади.

Маълумот учун, Силлессен жорий мавсум “Барселона” сафида жами 7та ўйинда майдонга тушди ва ўз дарвозасидан 7та гол ўтказиб юборди.