"Барселона" "Сити" ҳимоячисини текинга қўлга киритишни мақсад қилмоқда

"Манчестер Сити" клуби ҳимоячиси Эрик Гарсия яна "Барселона"га қайтиши мумкин.

Sport.es нашри тарқатган хабарга кўра, “кўк-анор ранглилар” ҳимоя марказини айнан ўзларининг собиқ тарбияланувчилари билан кучайтиришмоқчи. Аммо, каталонияликларда уни сотиб олиш учун ортиқча маблағ йўқ. Шу боис “Барселона” Гарсияни келаси йил, яъни “шаҳарликлар” билан шартномаси якунлангач ,текинга қўлга киритмоқчи.

Маълумот учун, Гарсия жорий мавсум 13 та ўйинда майдонга тушди ва 1 та голга ассистентлик қилди. Унинг трансфер нарх эса 6,3 млн еврога баҳоланмоқда.