"Барселона" собиқ футболчиси футболга катта ўзгартириш киритмоқчи

"Барселона"нинг собиқ футболчиси Жерар Пике жамоаларни ҳужумкор ўйин кўрсатишга рағбатлантирадиган янги қоидаларни футболда жорий қилишни таклиф қилмоқда. Унинг фикрича, 0:0 ҳисобидаги дуранг учун жамоаларга очко берилмаслиги керак.

"100, 200 ёки 300 евро сарфлаб стадионга келган одам 0:0 ҳисобини кўрмаслиги керак. Нимадир ўзгартириш зарур. Масалан, агар ўйин 0:0 ҳисобида тугаса, жамоалар ҳеч қандай очко олмасин. Тасаввур қилинг, 70-дақиқадан кейин қандай ўйин бошланади", – деди Пике Икер Касильяс билан подкастдаги суҳбатида.

Тахминан бир йил олдин Пике футболда дуранг натижаларини бутунлай йўқ қилишни ва баскетбол мисолида ҳал қилувчи натижалар жорий этишни таклиф қилган эди.