"Барселона" спорт директори "Реал" трансферларини баҳолади

"Барселона" спорт директори Деку "Реал Мадрид"нинг ёзда ҳозиргача амалга оширган трансферлари ҳақида ўз фикрини билдирди. Ҳозирга қадар Мадрид клуби ҳимоячилар Дин Хюйсен ва Трент Александер-Арнольд, шунингдек, ўнг қанот ҳужумчиси Франко Мастантуоно билан шартнома имзолаган.

- "Реал"нинг янги трансферлари ҳақида нима дейсиз?
- Марказий ҳимоячи Хёйсен жуда яхши. Александер-Арнольд ҳам аъло даражадаги ҳимоячи.

- "Барселона" Франко Мастантуонога қизиқиш билдирганмиди?
- Бизнинг вазиятимиз "Реал"никидан фарқ қилади. Масалан, Витор Рокени олайлик. Уни сотиб олган пайтимизда Левандовски 34 ёшда эди ва биз келажакни ўйлаб иш тутгандик. Бироқ, нотўғри танланган вақт ва шароитлар туфайли ҳамма нарса режалаштирганимиздек бўлмади, - деди Деку "La Vanguardia" газетасига берган интервьюсида.