"Барселона" Суаресни номаълум муддатга йўқотди

“Барселона” форварди Луис Суарес кеча Ла Лиганинг илк туридан ўрин олган “Атлетик”га қарши ўйинда жароҳат олди.

Уругвайлик футболчи учрашувнинг биринчи бўлимида оёғини қайриб олди ва 34-дақиқада майдонни тарк этди. Унинг ўрнига баҳсни Рафинья Алькантара давом эттирди.

Эслатиб ўтамиз, бундан аввалроқ “Барса”нинг бошқа бир етакчи футболчиси – Лионель Месси жароҳат сабаб ушбу ўйинни ўтказиб юборган эди.