"Barselona" Torresni sotib olmoqchi

"Vilyarreal" klubi himoyachisi Pau Torres "Barselona"ning qiziqishlar doirasiga kirib qoldi. Bu haqda Sport.es nashri xabar tarqatmoqda.

Yuqoridagi manbaga ko‘ra kataloniyaliklar 23 yoshli futbolchi bilan allaqachon muzokaralarni boshlab yuborishgan. Aytish kerakki, uning shartnomasiga ko‘ra tovon puli 50 million evroni tashkil etadi. Biroq, "Barselona" uni yanada arzonroqqa sotib olmoqchi.

Ma’lumotlarga qaraganda Torresga shuningdek "Arsenal" va "Manchester Siti" klublari ham qiziqish bildirishmoqda.

Pau Torres asli “Vilyarreal” tarbiyalanuvchisi hisoblanadi. U joriy mavsum 26 ta o‘yinda maydonga tushdi va 1 ta gol hamda 2 ta golli uzatmaga mualliflik qilishga erishdi. Uning klub bilan amaldagi shartnomasi 2024 yilga qadar imzolangan.