“Барселона” Тухелга ёқмай қолган ўйинчини чақиряпти

“Барселона” клуби “Бавария” ҳимоячиси Маттейс де Лигтни қишки трансферлар вақтида ўз сафига қўшиб олмоқчи.

Мюнхенликлар бу футболчини бир йил муқаддам “Ювентус”дан трансфер қилган эди. Лекин “Бавария”ни қабул қилиб олган Томас Тухель нидерландиянинг футболчини кейинги пайтда жуда кўп танқид қилмоқда.

Мутахассисларнинг таъкидлашича, германиялик мураббийга 24 ёшли футболчининг ўйин услуби умуман тўғри келмаяпти.

Маттейс де Лигт қимматбаҳо ўйинчилар тоифасига киради. Каталонияликларда ҳимоячи учун 75 миллион евро атрофида тўланиши керак бўлган маблағ мавжуд эмас. Шунинг учун “Барселона” Маттейсни қишда ижарага олмоқчи.