"Барселона" ва "Арсенал" Бразилия терма жамоаси футболчисига қизиқишмоқда

"Ноттингем Форест" марказий ҳимоячиси Муриллога "Арсенал" ва "Барселона" қизиқишни бошлади. Бу ҳақда CaughtOffside маълум қилди.

Манбага кўра, 23 ёшли бразилиялик футболчига Европанинг икки гранди ҳам катта қизиқиш билдирмоқда. Қайд этилишича, трансфер 2026 йилдаёқ амалга ошиши мумкин.

Мурилло жорий мавсум Англия Премьер-лигасида 3 та ўйинда майдонга тушди ва 1 та сариқ карточка олди. Март ойида у Бразилия терма жамоаси сафида дебют қилди.

Ҳимоячининг "Ноттингем Форест" билан амалдаги меҳнат шартномаси 2029 йилнинг ярмигача мўлжалланган. Transfermarkt портали мутахассислари футболчининг нархини 55 миллион еврога баҳоламоқда.