Бирмингемнинг “Астон Вилла” клуби ярим ҳимоячиси Жек Грилиш Ла Лига грандларининг эътиборига тушди. Гап “Реал” Мадрид ва “Барселона” клублари ҳақида кетмоқда.

The Sun нашри тарқатган хабарга кўра испан грандлари 24 ёшли футболчининг жорий мавсум АПЛда кўрсатаётган муваффақиятли ўйинларидан ижобий хулосага келишмоқда.

Айтиш керакки, Грилиш учун “Манчестер Юнайтед” асосий даъвогар ҳисобланади. Бирмингемликлар эса уни 70 млн еврога баҳолашмоқда.

Маълумот учун, Грилиш жорий мавсум премьер-лигада жами 23 та ўйинда майдонга тушди ва ўз ҳисобига 7 та гол ҳамда 5 та голли узатма ёздириб қўйишга эришди.