"Барселона" ва Уильямс ўртасидаги музокаралар тўхтади

"Барселона"нинг Нико Уильямс билан олиб бораётган музокаралари тўхтаб қолди.

Мундо Deportivo нашрининг хабар беришича, сўнгги кунларда клуб ва "Атлетик" вингерининг агенти ўртасидаги музокаралар тўхтаб қолган, бу эса "Барселона" раҳбариятида хавотир ва норозилик уйғотган. Ўтган ҳафтада томонлар шартноманинг муддати (олти йил) ва маоши борасида оғзаки келишувга эришган, ҳатто ўтган йилги келишувга қайтишган эди. Бироқ ушбу оғзаки келишув ҳужжатлар шаклига келтирилгач, музокаралар давом этмай қолган.

Бу ҳафта трансфер якунланиши керак бўлган ҳал қилувчи вақт бўлиши керак эди, бироқ прогресснинг йўқлигига сабаб сифатида Уильямснинг агенти орқали ўзининг Ла Лигага рўйхатдан ўтиш кафолатлари бўйича юқори талаблар қўйиши кўрсатилмоқда. Футболчи "Барселона" учун айни дамда мақбул бўлмаган аниқ шартларни сўраяпти. Клуб сўнгги трансфер ойнасида рўйхатга олишда қийналган ҳолат бу музокараларга салбий таъсир қилмоқда. Нико эса Дани Олмо ва Паю Виктор билан боғлиқ ҳолатлардек муаммо юзага келишини хоҳламаяпти ва буни шартномаларда аниқ акс эттирмоқчи.

"Барселона" унга "фейр-плей" доирасида рўйхатдан ўтказилиши бўйича кафолатлар берган, лекин ҳозирча бу Нико учун етарли эмас. Унинг позицияси каталонияликларга маъқул келмади.

Вазиятни "Атлетик" клубининг позицияси ҳам мураккаблаштирмоқда – улар футболчини қўйиб юборишни хоҳламаяпти. Бундан ташқари, унга "Бавария"нинг ҳам қизиқиши бор. "Барселона" бу трансфердан бутунлай воз кечгани йўқ, аммо клубда сўнгги кунлардаги музокаралардан норозилик бор.