"Барселона" ярим ҳимоячиси "Челси" ва "Манчестер Сити"га ўтишдан бош тортди

«Барселона» ярим ҳимоячиси Марк Касадо ёзги трансфер ойнасида Англиянинг бир қатор етакчи жамоалари таклифини рад этди.

Инсайдер ва журналист Экрем Конур тарқатган маълумотга кўра, 22 ёшли испаниялик футболчи «Манчестер Сити» ҳамда Лондоннинг «Челси» клублари таклифини қабул қилмаган. Ушбу жамоалар ёзда Касадони ўз сафларига қўшиб олишни режалаштирарди. Шу билан бирга, ярим ҳимоячига «Астон Вилла», «Ньюкасл», «Фулҳэм» ва «Брайтон» каби клублар ҳам қизиқиш билдирмоқда. Каталония клуби эса футболчини сотиш вариантини кўриб чиқишга тайёр экани айтилмоқда. «Барселона» Касадо трансфери орқали тахминан 30 миллион евро ишлаб олишни кўзламоқда.

Эслатиб ўтамиз, ўтган мавсумда Марк Касадо Испания чемпионати доирасида «Барселона» сафида 24 та ўйин ўтказиб, бир бор голли узатма муаллифига айланган.