"Барселона" ярим ҳимояга бразилиялик футболчини олиб келади

"Ньюкасл" ярим ҳимоячиси Бруно Гимараеш фаолиятини Ла Лигада давом эттириши мумкин. Бу ҳақда "Todofichajes" нашри хабар бермоқда.

Манбанинг маълум қилишича, 27 ёшли футболчини Каталониянинг "Барселона" жамоаси ўз сафига қўшиб олишни истаяпти. "Кўк-анорранглилар" бразилиялик ўйинчини жамоани тарк этиши мумкин бўлган нидерландиялик Френки де Йонгнинг ўрнини босувчи сифатида кўрмоқда.

Гимараешнинг трансфер қиймати 80 миллион еврога баҳоланмоқда.

Маълумот учун, Англия премьер-лигасининг жорий мавсумида ярим ҳимоячи 27 та ўйин ўтказиб, 2 та гол урди ва 6 та голли узатмани амалга оширди. Бразилиялик футболчининг клуб билан амалдаги шартномаси 2028 йилнинг ёзигача амал қилади.