"Барселона" Йовични сотиб олиш фикридан қайтиши мумкин

Каталониянинг "Барселона" клуби "Айнтрахт" форварди Лука Йовични сотиб олиш фикридан қайтиши мумкин. Бу ҳақда Mundo Deportivo нашри хабар тарқатмоқда.

Юқоридаги манбаага кўра немис клубининг 21 ёшли сербиялик футболчи учун талаб қилаётган 65-70 млн евролик нархи “кўк-анор ранглилар”га маъқул келмаяпти. Шу боис улар бу борада Йовичга нисбатан арзонроқ вариантларни кўриб чиқишмоқчи. Ўз навбатида Йович ҳам “Барселона”га ўтиб, захира футболчисига айланиб қолишни истамаяпти. Энди “Бавария” Йович учун асосий даъвогарга айланди.

Маълумот учун, Йович жорий мавсум “Айнтрахт” сафида жами 38та ўйинда майдонга тушди ва 24та гол ҳамда 7та голли узатмага муаллифлик қилишга эришди.