Marca нашрининг хабар беришича, "Барселона" мавсумлар оралиғида ҳимоя марказини кучайтирмоқчи.

Манбанинг хабарига кўра, Каталония клубининг мақсади ҳимоя марказида ўйнайдиган иккита футболчини сотиб олишдир. Улардан бири "Барселона"га "Манчестер Сити"дан эркин агент сифатида кўчиб ўтадиган Эрик Гарсия бўлади.

Хабар қилинишича, "Ювентус" ҳимоячиси Маттейс де Лигт "Барcелона"нинг марказий ҳимоячи позициясидаги асосий трансфер мақсади ҳисобланади. Аммо, Италия клуби у учун катта миқдордаги маблағни сўрашини инобатга олган ҳолда, у билан келишув деярли имконсиз бўлиши мумкин.

"Барселона" де Лигтдан ташқари "Вилярреаль" ҳимоячиси Пау Торресга ҳам қизиқмоқда. Каталония клуби футболчини анчадан буён кузатиб келмоқда. Бундай вазиятда пул ҳам муаммога айланиши мумкин. Торрес мавсумни муваффақиятли ўтказди ва унинг бозор нархи сезиларли даражада ошди.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар