"Барселона" ёзда А Серия тўпурарини ўз сафига қўшиб олмоқчи

"Барселона" ёзги трансфер ойнасида ҳужум чизиғини кучайтиришни режалаштирмоқда. Бу ҳақда "TyC Sports" нашри маълум қилди. 

Манба маълумотига кўра, каталонияликлар "Интер" ҳужумчиси Лаутаро Мартинезни ўз сафига қўшиб олишни режалаштирмоқда. Маълум бўлишича, "Барселона" вакиллари аллақачон вингернинг агентларини билан музокараларга киришган. 

Айни вақтда аргентиналик ҳужумчининг трансфер бозоридаги нархи 85 миллион еврога баҳоланмоқда. Унинг клуб билан амалдаги шартномаси 2029 йилнинг ёзигача амал қилади. 

Маълумот учун, 28 ёшли футболчи жорий мавсум Италия гранди сафида 40 та учрашувда майдонга тушиб, ўз номига 22 та гол ва 6 та голли узатмани ёздириб қўйди.