“Барселона”да катта ўзгариш. Месси шу ёзда кетади!

“Барселона” жиддий ўзгаришлар остонасида ва жамоани бир неча футболчилар тарк этиши кутилмоқда. Кўпчиликнинг эътиборини жамоа етакчиси Лионель Мессининг қарори қизиқтириб турибди.

Бразилиянинг Esporte Interativo нашри журналисти Марсело Бехлер клуб ичидаги ўз манбасига таянган ҳолда Лионель Месси шу ёзнинг ўзида  жамоани тарк этиши ҳақида раҳбариятни огоҳлантирганини ёзмоқда. Аргентиналик ҳужумчи амалдаги шартноманинг якунланишини кутмоқчи эмас. Унинг клуб билан келишуви 2021 йилнинг ёзида тугаши керак эди.

Барселона шаҳрида яшаб, ижод қиладиган Марсело Бехлер ҳеч ким кутмаган ва билмаган маълумотларни беришга алоҳида эътибор қаратади. Хусусан, бу журналист ўз вақтида Неймарнинг ПСЖга ўтиши ҳақида ёзганида бу маълумотга ҳеч ким ишонмаган эди. Вақт ўтиши билан унинг маълумот исботланиб, бразилиялик ҳужумчи Парижга йўл олганди.

Месси “Барселона”да улкан муваффақиятларни таъминлайдиган мукаммал лойиҳа йўқлигидан норози. Хусусан, жамоа бу йил бирорта совринни қўлга кирита олмади. Кўрсаткичлар пастга қараб шўнғимоқда.

Мессига ҳозирнинг ўзида “Интер” ва “Манчестер Сити”дан ўта манфаатли таклифлар бор.