"Барселона"нинг мавсумлар оралиғидаги асосий трансферлари кимлар?

Каталониянинг “Барселона” клуби жорий ёзги трансферлар даврида қайси футболчиларни сотиб олишни режалаштираётгани маълум бўлди.

Mundo Deportivo нашри тарқатган хабарга кўра “кўк-анор ранглилар”нинг мавсумлар оралиғидаги асосий икки трансфер нишони “Аякс” ҳимоячиси Маттейс де Лигт ва “Атлетико” форварди Антуан Гризманндир.

“Барселона” раҳбарияти Гризманн гарчи Луис Суарес ўрнида ўйнашига қарамай, ўз сафига яна бир марказий ҳужумчини қўшиб олишни режалаштирмоқда. Улар бу борада  Родриго (“Валенсия”) ва Александр Ляказеттларнинг (“Арсенал”) номзодини кўриб чиқишмоқда.