"Барселона"нинг ПСЖга қарши қайдномаси эълон қилинди. Таркибда ўзгаришлар бор

“Барселона” ўзининг твиттердаги расмий саҳифасида эртага ПСЖга қарши бўладиган ЕЧЛ 1/8 финал жавоб баҳси учун қайдномасини эълон қилди.

Жерар Пике ва Рональд Араухо жароҳати сабаб ушбу қайдномага киритилмаган.

Эслатиб ўтамиз, ПСЖ – “Барселона” учрашуви 10 март куни Тошкент вақти билан соат 00:00 да бошланади. Ушбу жамоаларнинг “Камп Ноу”даги дастлабки ўйини 1:4 ҳисобида парижликларнинг ғалабаси билан якунланган.