"Барселона"нинг собиқ футболчиси фаолиятини тугатиш ҳақида жиддий ўйламоқда

31 ёшли франциялик ҳимоячи Самуэль Умтити футболчилик фаолиятини тугатиш ҳақида ўйлаб қолди. Агар у 10 сентябрга қадар янги клуб топмаса, профессионал майдонлардаги чиқишларига нуқта қўйиши мумкин.

Умтити 1 июлдан бери эркин агент ҳисобланади. Унинг "Лилль" билан тузган 2 йиллик шартномаси муддати тугади ва у сўнгги марта 2024 йил январь ойида майдонга тушган.

Тиззасидаги икки операциядан кейин собиқ "Барселона" футболчиси февраль ойида ҳам фаолиятини якунлаш ҳақида ўйлаб кўрган эди.