"Барселона"нинг собиқ футболчиси ва мураббийи ўлим тўшагида ётибди

“Барселона” клубининг собиқ футболчиси ва мураббийи Эусебио Сакристан йиқилиш натижасида бошидан жиддий жароҳат олди.

As нашри тарқатган хабарга кўра, 56 ёшли испаниялик футболчининг миясида тромблар ҳосил бўлган. У 31 декабрь куни жарроҳлик амалиётини бошдан кечирган. Эусебио ҳозирда сунъий кома ҳолатида.

Сакристан 1988-1995 йилларда “Барселона” сафида тўп сурган. 2003-2008 йилларда эса жамоа бош мураббийи Франк Райкардга ассистентлик қилган. У мураббийлик фаолияти давомида «Сельта», «Барселона Б», «Реал Сосьедад» ва «Жирона» каби жамоаларни бошқарган.