"Барселона"нинг собиқ мураббийи энди Пикенинг клубини бошқаради

"Барселона" ҳимоячиси Жерар Пике ўзига тегишли бўлган "Андорра" клубига янги бош мураббий тайинлади.

Унга кўра, энди жамоани Эдер Сарабия бошқаради. Томонлар ўзаро 2,5 йилга шартнома имзолаган. Айтиш керакки, Сарабия ўтган мавсум "Барселона"да Кике Сетьенга ассистентлик қилган эди.

“Андорра” ҳозирча Испаниянинг нуфуз жиҳатидан 3-дивизиони ҳисобланган Сегунда Б мусобақа жадвалида 2-ўринда бормоқда.