"Башакшеҳир" бош мураббийи Шомуродовни алоҳида эътироф этди!

Туркия Суперлигасининг 17-турида "Истанбул Башакшеҳир" ўз майдонида "Газиантеп" жамоасини 5:1 ҳисобида мағлуб этди. Учрашувдан сўнг мезбонлар бош мураббийи Нури Шаҳин ҳамюртимиз Элдор Шомуродовнинг ўйинига юқори баҳо берди.

"Мен жамоага келгунимга қадар Шомуродов кўпроқ қанотда ўйнатилган. Биз эса уни марказда ҳаракатлантиряпмиз. У “9-рақам” позициясида турли услубларда ўйнай олади. Шомуродов Селкедан фарқ қиладиган ҳужумчи. Унинг ўйин интеллекти жуда юқори. Биз унга кўпроқ эркинлик бердик ва бу жамоага катта фойда келтирмоқда. У жуда сифатли футболчи", — деди Шаҳин.

Маълумот учун, ушбу баҳсда Элдор Шомуродов 1 гол ва 1 ассист муаллифи бўлди. Шунингдек, Аббосбек Файзуллаев ҳам ўз ҳисобига гол ёздириб қўйди.