"Бавария" - "Вольфсбург": Матнли трансляция

Ассалому алайкум, қадрли футбол ихлосмандлари! Германия Бундеслигаси 12-туридан ўрин олган "Бавария" - "Вольфсбург" учрашувини сайтимиз сизга матнли трансляция кўринишида тақдим этади. Матнли трансляцияни сиз билан Абдулла Маннонов кузатиб боради.

• 90+5'
  

  Учрашув якунланди! "Бавария" Левандовскининг дубли эвазига ўз уйида муҳим ғалабага эришди ва турнир жадвалидаги позициясини сақлаб қолди. Матнли трансляцияни Абдулла Маннонов олиб борди. Эътиборингиз учун раҳмат!

• 90+2'
  

  "Бавария" бурчак тўпидан унумли фойдалана олмади. Ҳимоячилар яхши ўйнади.

• 90+1'
  

  Лерой Сане ўрнига Дуглас Коста майдонга тушди.

• 90'
  

  Учрашувга 4 дақиқа вақт қўшиб берилди.

• 90'
  

  Бош ҳакам Марко Фриц Команнинг қўпол фоли учун уни сариқ карточка билан жазолади.

• 87'
  

  Меҳмонларда ўзгариш: Руссильон ва Филипп ўрнига Гинчек ва Силва майдонга тушди.

• 86'
  

  Максимилиан Арнольд ижро этган бурчак зарбаси ҳимоячиларнинг яхши ўйини эвазига муваффақиятсиз якунланди.

• 85'
  

  Бартош Бялекнинг берган ўта кучли зарбасини Нойер маҳорат билан қайтариб қолди, ундан ўтган тўп устунга тегиб майдон ташқарисига чиқиб кетди. 

• 84'
  

  Лерой Сане ҳакам билан тортишиб қолиб, унга қўполлик қилди ва сариқ карточка билан жазоланди.

• 82'
  

  Жером Руссильон берган зарбани Нойер сейви эвазига бартараф қилди.

• 78'
  

  "Вольфсбург"да мажбурий ўзгариш: жароҳат олган Понграчич ўрнига Жошуа Гиловоги майдонга тушди.

• 77'
  

  Меҳмонлар футболчиси Марин Понграчич майдонда тиббий ёрдам олмоқда. Катта эҳтимол билан у ўйинни давом эттира олмайди.

• 74'

  "Вольфсбург" тинмай ҳужумлар уюштирмоқда, "Бавария" ҳимояда ишончли ўйнаб, барчасини бартараф эта олмоқда. 

• 72'
  

  Бурчак зарбасини боши билан дарвозага йўналтирган Вегхорстнинг зарбаси ўнг устуннинг ёнгинасидан ўтиб кетди. Тўп "Бавария"га қайтди.

• 72'

  Максимилиан Арнольднинг узоқ вақт тайёрлаган зарбаси Эрнандесга тегиб майдонни тарк этди. Бурчак тўпи ижро этилади.

• 71'
  

  "Бавария"да ҳам ўзгариш: Ҳанси Флик Гнабри ва Толиссонинг ўрнига Марк Рока ва Жамал Мусиалани майдонга туширди. Ярим ҳимояга урғу берилмоқда.

• 70'
  

  "Вольфсбург" ўзгаришларни амалга оширади: Брекало ва Баку ўрнига майдонга Жуан Виктор ва Бартош Бялек тушди.

• 69'
  

  Серж Гнабри рақиб ҳужумини қоидага зид равишда тўхтатиб қолганлиги боис сариқ карточка олди.

• 65'

  "Бавария" тўп назоратида анча устунликни сақлаб турибди. Ўйин темпини улар белгилаб бермоқда.

• 63'

  Ҳаммаси жойида: Толиссода жиддий жароҳат йўқ, у ўйинни давом эттира олади.

• 61'
  

  Ўйин тўхтатилди. Корентин Толиссо майдонда тиббий ёрдам оляпти. Ўйинни давом эттира олиши эса сўроқ остида.

• 60'

  Меҳмонлар футболчиси ҳужумда фол ишлатди, ҳакам жарима тўпи белгилади.

• 59'

  Дарвозага аниқ зарбалар бўйича статистика: 2:4! "Вольфсбург" ҳазиллашмаяпти!

• 55'

  Максимилиан Филипп жарима майдони ичидаги шеригига тўпни узатмоқчи бўлди, буни яхши илғаган Мануел Нойер эса тўпга чиқиб келди ва хавфни бартараф этди.

• 54'

  Серж Гнабри дарвозага кучли зарба берди, бироқ унинг зарбасига бироз арниқлик етишмади.

• 53'
  

  Гнабри ижро этган бурчак тўпи яна муваффақиятсиз якунланди - ҳимоячилар яхши ўйнашди.

• 52'

  Кингсли Коман дриблинги эвазига 2 футболчини ортда қолдирди ва жарима майдони ичига узатма амалга оширмоқчи бўлди, тўп ҳимоячилардан бирига тегиб майдон ташқарисига чиқиб кетди. Бурчак тўпи.

• 50'
  

  ГООООООООООООООООЛЛЛ!!! Левандовски дубл қайд этди! Ажойиб ҳаракатлари эвазига ҳимоячиларни ортда қолдирган супер ҳужумчи дарвозанинг пастги чап бурчагига зарба берди ва жамоасини ҳисобда олдинга чиқди! 2-1!

• 48'

  Бурчакдан узатилган узатмани Максимилиан Филипп дарвозага йўналтирди. Ҳимоячилар ишончли ўйини эвазига вазиятни бартараф этишди.

• 47'
  

  Тайм бошидан "Вольфбург"да стандард вазият юзага келди, Максимилиан Арнольд бурчак тўпини ижро этди.

• 46'
  

  Марко Фриц ҳуштаги чалинди ва 2-таймга старт берилди.

• 45'

  Футболчилар майдонга қайтишмоқда, биз ҳам қайтамиз!

• 45+2'
  

  1-тайм якунланди! "Бавария" футболчилари ечиниш хонасига дуранг билан чиқиб кетишмоқда.

• 45+1'
  

  ГООООООООООООООООООООЛЛЛ!!! Левандовски ҳисобни тенглаштирди! Команнинг қанотдан узатган идеал пасини польшалик форвард боши билан дарвозага йўналтирди ва ҳисобдаги мувозанатни тиклади! 1-1!

• 45'
  

  1-таймга 2 дақиқа вақт қўшиб берилди.

• 44'

  Лерой Саненинг жарима майдонига кираверишда берган ўта кучли зарбаси дарвозанинг ёнгинасидан ўтиб кетди! Тўп меҳмонларга қайтди.

• 40'

  Ўйинда яққол устунлик мюнхенликлар томонида. Фақат бу ҳозирча ҳисобда қайд этилгани йўқ.

• 34'
  

  Максимилиан Арнолд сариқ карточка олди. Сабаби у ҳакамга қўполлик қилиб юборди.

• 31'
  

  "Вольфсбург" бурчак тўпидан натижа чиқара олмади.

• 29'

  "Вольфсбург" ҳам кетма-кет ҳужумлари натижасида бурчак тўпи ишлаб олди.

• 27'
  

  "Бавария"дан яна бир бурчак зарбаси. Гнабри узатди, Толиссо зарба берди. Тўп энди мехмонларда.

• 24'
  

  Серж Гнабри бурчак тўпи ижро этди, Томас Мюллер узатмани дарвозага йўналтирди. Рақиб ҳимоячиларидан бири эса тўпни қайтариб юборди. Қарши ҳужум бўлиши мумкин.

• 21'

  Левандовски ўта агрессив ўйин намойиш этмоқда. Ҳакам Марко Фриц ҳуштагини чалиб уни оғзаки огоҳлантирди ва жарима зарбаси белгилади.

• 17'
  

  Роберт Левандовски жарима майдони ташқарисида тўпни қабул қилиб олди ва дарвозага тўғридан тўғри зарба берди, дарвозабон тўпни қайтарди!

• 16'
  

  "Вольфсбург" футболчиси Вергхорст урган гол офсайд сабабли бекор қилинди.

• 13'

  Йосип Брекало мюнхенликлар жарима майдони ичига ёриб кирди ва зарба беришга муваффақ бўлди, тўп ўнг устуннинг ёнгинасидан ўтиб кетди!!!

• 10'

  "Вольфсбург" қарши ҳужум тактикаси асосида ўйин намойиш этмоқда. "Бавария" прессингни кучайтирмоқда.

• 7'

  Серж Гнабри жарима майдони ичига узатма амалга оширди, дарвозабон уни эгаллаб олди.

• 5'
  

  ГООООООООООООООООООЛЛЛ!!! Ух, қандай гол! Меҳмонлар форварди Максимилиан Филипп жарима майдони ичида ажойиб техника намойиш этди ва дарвозани ишғол қилди! 0-1! "Бавария" 1-бўлиб гол ўтказиб юбормоқда.

• 4'

  "Бавария" ҳужумда яхши ўйнамоқда, Лерой Санени деярли бирга-бир вазиятга чиқариб юбориши керак бўлган пасга бирозгина аниқлик етишмади ва тўп йўқотилди. "Вольфсбург" қарши ҳужумда.

• 3'
  

  Серж Гнабри бурчакдан узатилган тўпни боши билан дарвозага йўналтирди, унга бирозгина аниқлик етишмади.

• 1'
  

  Учрашув бошланди!

• 0'

  Ассалому алайкум, қадрли футбол ихлосмандлари! Германия Бундеслигаси 12-туридан ўрин олган "Бавария" - "Вольфсбург" учрашувини сайтимиз орқали матнли трансляцияда томоша қилишингиз мумкин. Учрашувни сиз билан Абдулла Маннонов кузатиб боради.