"Бавария" Африкадан зўр футболчи топди

«Бавария» 18 ёшли марказий ярим ҳимоячи Бара Сапоко Ндиайени Гамбиянинг «Гамбинос Старс» клубидан тўлиқ сотиб олиш бўйича келишувга эришди. 

Бу ҳақда трансферлар бўйича инсайдер Фабрицио Романо ижтимоий тармоқларда хабар берди.

Маълумотларга кўра, сенегаллик футболчи Мюнхен клуби билан 2031 йилгача мўлжалланган шартнома имзолайди. Трансфер расман келаси ҳафта эълон қилиниши кутилмоқда. 

Ндиайе «Бавария»нинг асосий жамоасига қўшилиб, бош мураббий Венсан Компани қўл остида машғулотларни бошлайди.