"Бавария" дарвозабони Мануэль Нойер фаолиятини Англия премьер лигасида давом эттириши мумкин. Bild нашри манбасига кўра, германиялик футболчи учун Лондоннинг "Челси" клуби даъвогарлик қилмоқда.

"Кўклар" бош мураббийи Фрэнк Лэмпард клуб голкипери Кепа Аррисабалагани мавсум сўнггида сотиб юборишни, унинг ўрнига эса германиялик тажрибали дарвозабонни олиш келишни режалаштирмоқда.

Шунингдек, "Челси" раҳбарияти заҳира варианти сифатида "Милан" дарвозабони Жанлуижи Доннарумма атрофидаги вазиятни ҳам кузатиб бормоқда.

Эслатиб ўтамиз, олдинроқ, "Бавария" Мануэль Нойер билан янги шартнома бўйича келиша олмаётгани маълум қилинган эди.

Матнда хатолик топсангиз, ўша хатони белгилаб, бизга жўнатинг (Ctrl + Enter)