“Бавария” “Боруссия Дортмунд”нинг ёш иқтидорли футболчисини кўзламоқда

Германиянинг “Бавария” клуби ўз навбатида рақиби ҳисобланган “Боруссия Дортмунд”нинг қанот ҳужумчиси Гиттенсга жуда катта қизиқиш билдирмоқда. 
 
Sky Germany нашрининг хабарига кўра, Венсан Компани бошчилигидаги немислар ҳужум чизиғини кучайтириш мақсадида бир неча ойдан буён янги ҳужумчи изламоқда. Ҳозирги кунда “арилар” клубида тўп тепаётган англиялик вингер асосий даъвогар сифатида кўрилмоқда. Агарда барча томонлар келиша олса, мазкур трансфер тез кунда ҳам амалга ошиши мумкин. 
 
Жеймининг дортмундликлар билан шартномаси 2028 йилнинг ёзига қадар мўлжалланган бўлиб, Тransfermarkt порталидаги нархи 50 миллион евро деб баҳоланмоқда.

Маълумот ўрнида, 20 ёшли Гиттенс бу мавсум 23 та ўйинда майдонга тушиб, 9 та гол ва 3 та голли узатмага муаллифлик қилган.