"Бавария" бош мураббийлигига иккита асосий номзод бор

Хаби Алонсо "Байер"да яна бир мавсум қолишга қарор қилди. Бу эса унга қизиқиш билдираётган "Бавария" ва "Ливерпуль"нинг режаларини ўзгартириб юборди. Мюнхенликлар энди бошқа мураббий изламоқда. 

Германия клуби Юлиан Нагельсманн, ёки Роберто де Зербини диққат билан кузатиб бормоқда, дея хабар берди "Sky Sports" нашри. Раҳбарият тезроқ янги мураббий билан шартнома имзолашни режалаштирган. 

Де Зерби учун курашда "Бавария" ёлғиз эмас. Европанинг бир нечта топ клублари ҳам ёзда у билан боғланиши кутилмоқда. Италиялик мутахассиснинг "Брайтон" билан шартномаси 2026 йилгача амал қилади. Нагельсманн эса Германия терма жамоасида фақатгина "Евро-2024" турнири якунланганига қадар ишлайди. 

Эслатиб ўтамиз, Юлиан айнан Томас Тухель келишидан олдинроқ истеъфога чиқарилганди. Орадан бир йил ўтиб, у яна "Бавария"га қайтиши мумкин.