"Бавария" "дамини олсин"! "Боруссия" Дортмунд бир учрашувда рақиб дарвозасига 11 та гол урди

Янги мавсумга тайёргарликни давом эттираётган “Боруссия” Дортмунд бугун навбатдаги ўртоқлик учрашувини ўтказди.

Германия вице-чемпионининг бу сафарги рақиби Венанинг “Аустрия” клуби бўлди. Ўйин голларга бой кечди ва унда жамоалар нақд 13 марта дарвозаларни ишғол қилишди. Якунда эса 2:11 ҳисобида “Боруссия” ғалаба қозонди.

Ўртоқлик ўйини.

"Аустрия" (Вена, Австрия) — "Боруссия" (Дортмунд, Германия) — 2:11 (1:4)

Голлар: Рейна, 9 - 0:1, Рейна, 23 - 0:2, Моншайн, 33 - 1:2, Геррейру, 41 - 1:3, Ферай, 44 - 1:4, Санчо, 53 - 1:5, Юкич, 54 - 2:5, Джан, 65 - 2:6, Вольф, 73 - 2:7, Азар, 76 (пенальти) - 2:8, Беллингем, 78 - 2:9, Думан, 81 - 2:10, Шульц, 86 - 2:11.