"Бавария" Де Лигтни ўз футболчиси сифатида таништирди. У қайси рақам остида тўп тепиши ҳам маълум

Хабарингиз бор, "Бавария" жамоаси нидерландиялик ҳимоячи Маттейс Де Лигтни ўз сафига қўшиб олди. 

Мюнхенликлар у учун Турин клубига 70 миллион евро тўлади. Шунингдек, 10 миллион евро бонус пуллари ҳам мавжуд. Бироз аввал немис гранди уни ўз футболчиси сифатида таништирди. 

Эндиликда, 22 ёшли ҳимоячи "Бавария" сафида 4-рақам остида тўп тепади. 

Қайд этиш лозим, Де Лигтнинг янги жамоаси билан шартномаси 2027 йилнинг ёзига қадар амал қилади. Шунингдек, ёш фулбек Мюнхен клубида йиллик 12 миллион евро маош олади.