"Бавария" ҳимоячиси "Барса"га ўтиши мумкин!

Мюнхеннинг "Бавария" клуби марказий ҳимоячиси Дайо Упамекано Германия чемпионатини тарк этши мумкин. Бу ҳақда "Fichajes" нашри хабар бермоқда.

Манба берган хабарга кўра, 26 ёшли футболчига "Барселона" қизиқиш билдирмоқда. Аввалроқ, матбуотда Упамеканони "Реал" ва "Ливерпуль" ҳам ўз сафига қўшиб олмоқчи эканлиги ҳақида хабарлар тарқалган эди. Франциялик футболчининг мюнхенликлар билан амалдаги шартномаси келаси ёзда якунига етади.

Маълумот учун, 2025/26 йилги мавсумда ҳимоячи "Бавария"нинг 8 та ўйинида майдонга тушди.