"Bavariya" himoyachisi yozgacha ijaraga berilishi mumkin!

"Bavariya"ning chap qanot himoyachisi Adam Aznu ko‘proq o‘yin amaliyotiga ega bo‘lish maqsadida boshqa jamoada o‘ynashi mumkin. 18 yoshli futbolchi myunxenliklar tarkibida bor-yo‘g‘i ikki marta maydonga tushirilgan.

Jurnalist Florian Plettenbergning yozishicha, marokashlik qishki transfer oynasi yopilgunga qadar boshqa jamoaga o‘tmoqchi. Agar hammasi rejadagidek bo‘lsa, yosh futbolchi mavsum yakuniga qadar Bundesliganing boshqa klubiga o‘tadi. Nomzodlar orasida "Benfika" varianti ham bor. 

Eslatib o‘tamiz, Aznu 2022 yilning yozida "Barselona" akademiyasidan "Bavariya"ga o‘tgan edi. Himoyachining nemis grandi bilan shartnomasi 2027 yilgacha mo‘ljallangan.