"Бавария" Кейн учун "Тоттенхэм"га расмий таклиф юборди

"Бавария" "Тоттенхэм" ҳужумчиси Харри Кейн учун расмий таклиф юборди. Унга кўра, мюнхенликлар 70 миллион евро ва қўшимча бонуслар тўлашга тайёр, дея хабар берди инсайдер Давид Орнштейн. 

"Бавария" мазкур ёзда янги страйкер изламоқда. Вариантлар орасида Виктор Осимхен ва Лаутаро Мартинеслар ҳам бор. Аммо клубнинг асосий мақсади Кейн бўлиб қолмоқда. Энди "Тоттенхэм" билан келишув амалга ошса бўлгани, 29 ёшли инглиз айни дам "шпорлар"ни тарк этишни хоҳламоқда. 

Аввалроқ, Харрини "Реал" ўз таркибига қўшиб олишга ҳаракат қилди, лекин "қаймоқранглилар"да Мбаппени сотиб олиш учун имконият пайдо бўлгани сабабли, курашдан чиқди.