“Бавария” клуби “Челси” нишонидаги футболчини сотиб олмоқчи

Мюнхеннинг “Бавария” клуби “Севилья” ҳимоячиси Жюль Кундега қизиқиш билдирмоқда.

Журналист Руди Галеттининг ёзишича, немис клуби 23 ёшли футболчини сотиб олиш учун “Челси” билан рақобатлашишга тайёр.

Олдинроқ Лондон клуби франциялик ҳимоячи учун 50 миллион евро тўлашга тайёрлиги хабар қилинганди. Аммо, андалусияликлар бу таклифни қониқарсиз деб, “аристократлар”нинг дастлабки таклифини рад этди. Ҳозирча мюнхенликлар Жюль учун қанча тўламоқчи эканлиги маълум қилинмаган.

Футболчининг "Севилья" билан амалдаги шартномаси 2024 йилгача мўлжалланган. “Тransfermarkt” портали Кундени 60 миллион еврога баҳолаган.

2021/22 йилги мавсумда ҳимоячи барча мусобақаларда 44 та ўйинда майдонга тушиб, ўз ҳисобига 3 та гол ва 1 ассистни ёздириб қўйган.