"Бавария" Клублар ўртасидаги жаҳон чемпионатига ғалабали кайфият билан йўл оладиган бўлди!

Германия Бундеслигаси 20-туридан ўрин олган илк баҳс ўз ниҳоясига етди. "Бавария" меҳмонда "Герта"ни 0:1 ҳисобида мағлуб этди. Учрашувда урилган ягона голга 21-дақиқада Кингсли Коман муаллифлик қилди.

Ушбу ғалабадан сўнг, "қизиллар" ўз очколари сонини 48 тага етказиб олди ва энг яқин таъқибчисидан 10 очко олдинлаб кетди.

Шу тариқа, немис клуби Клублар ўртасидаги жаҳон чемпионатига яхши кайфият билан йўл оладиган бўлди. Эслатиб ўтамиз, мюнхенликлар бу турнирда "Ал-Аҳли" клуби билан тўқнаш келади. Ушбу учрашув 8 февраль куни Тошкент вақти билан 23:00 да старт олади.

{game}3399331{/game}

{online}3399331{/online}