“Bavariya” Levandovski o‘rniga Xavertsni qo‘lga kiritmoqchi edi

Yoz boshida "Bavariya" hujumchi Robert Levandovski o‘rniga "Chelsi"ning hujumkor yarim himoyachisi Kay Xavertsni sotib olish borasida muzokara o‘tkazgan. Bu haqda jurnalist Kerri Xou ma’lum qildi.

Manbaga ko‘ra, "Bavariya" rahbariyati Levandovski "Chelsi"ga o‘tishini, Haverts esa Myunxenga kelishini juda istagan. Hatto, "Bavariya" sport direktori Hasan Salihamidjich Xavertsning huquqlari bilan shug‘ullanuvchi ROOF agentligidan futbolchi borasida ma’lumot olgan.

Biroq Levandovski "Barselona"ga o‘tdi, shuning uchun almashinuv imkonsiz bo‘lib qoldi. Qolaversa, Serj Gnabri “Bavariya” bilan shartnomani uzaytirdi va myunxenliklarning Xavertsni o‘z safiga qo‘shib olish bo‘yicha muzokarlarni to‘xtatdi.

Biroq, "Bavariya" Havertsning o‘yinlarini kuzatishda davom etadi. Uning Myunxen klubiga o‘tishi yuqori saviyadagi hujumkor o‘yinchilardan biri “nemis mashinasi” safini tark etsa, amalga oshadi.

2021/22 yilgi mavsumda Xaverts “Chelsi”ning barcha musobaqalar doirasidagi 47 ta o‘yinida maydonga tushib, 14 ta gol va 6 ta golli uzatmani amalga oshirdi. 23 yoshli germaniyalikning "ko‘klar" bilan shartnomasi 2025 yilning yoziga qadar amal qiladi.