“Bavariya” Nyubelni ortga qaytara olmadi. Klub Noyerning o‘rniga kimni olib keladi

“Bavariya” posboni Manuel Noyer jarohat sabab mavsumni qolgan qismini o‘tkazib yuborishi aniq bo‘ldi.

Klub “Monako”da ijara asosida o‘ynayotgan Mark Nyubelni orqaga qaytarishga harakat qildi. Ammo darvozabon Frantsiyada qolishni istamoqda, deya xabar berdi “SkySport” nashri.

Manbaning ta’kidlashicha, Nemis klubi endi boshqa darvozabon sotib olishga harakat qiladi. “Borussiya Myunxengladbax” futbolchisi Yan Zommer “Bavariya”ga o‘tishga tayyor.

Eslatib o‘tamiz, shveytsariyalik posbonning klubi bilan amaldagi shartnomasi 2023 yilgacha amal qiladi.