"Бавария" посбони фаолиятини якунлайди

Мюнхеннинг "Бавария" клуби дарвозабони Свен Улрайх жорий мавсум якунида фаолиятини якунлайди. Бу ҳақда Х ижтимоий тармоғидаги Bayern & Germany аккаунти хабар бермоқда.

Футболчининг мюнхенликлар билан амалдаги меҳнат шартномаси 2026 йилнинг ёзигача мўлжалланган бўлиб, томонлар уни узайтирмайди. Манбага кўра, дарвозабон клубда бошқа вазифада қолади.

Свен Улрайх "Штутгарт" тарбияланувчиси ҳисобланади, у 2015 йилдан 2020 йилгача "Бавария"да ўйнаган, шундан сўнг "Хамбург"га ўтган. 2021 йилда у Мюнхен клубига қайтди. "Бавария" таркибида Улрайх саккиз марта Германия чемпиони бўлган, учта мамлакат кубоги ва олтита миллий Суперкубокни қўлга киритган. Бундан ташқари, у мюнхенликлар билан Чемпионлар лигаси ва УЕФА Суперкубогида ғолиб чиқди.