"Бавария" "Реал" ҳимоячисига қизиқиш билдира бошлади

Мюнхеннинг "Бавария" клуби “Боруссия” Дортмунд сафида ижарада тўп сураётган "Реал" ҳимоячиси Ашраф Хакимига қизиқиб қолди. Бу ҳақда Marca нашри хабар тарқатмоқда.

Юқоридаги манбаага кўра немис гранди вакиллари 21 ёшли марокашлик футболчининг ўйинларини кузатишган ва уни жамоага фойда келтира олади деб ҳисоблашмоқда.

Эслатиб ўтамиз, бундан аввалроқ “Реал” мавсум якунлангач Хакимини қайтариб олиши мумкинлиги ҳақида хабар тарқалган эди.

Маълумот учун, Хакими 2018 йилнинг ёзидан буён "Боруссия" Дортмунд сафида ижара асосида тўп суриб келмоқда. У ўтган давр мобайнида жами 54 та ўйинда майдонга тушди ва 9 гол ҳамда 13 та голли узатмага муаллифлик қилди.