"Bavariya" "Real" va "Barselona" bajara olmagan ishni qildi!

Bundesliganing 6-turida “Bavariya” “Ayntraxt Frankfurt”ni yirik 3:0 hisobi bilan mag‘lub etdi. Bu g‘alaba klub uchun tarixiy rekord o‘rnatilishiga sabab bo‘ldi.

Gap shundaki, myunxenliklar Evropaning “Top-5” ligalari orasida mavsumni 10 ta ketma-ket g‘alaba bilan boshlagan ilk jamoaga aylandi. Vinsent Kompanining shogirdlari ushbu o‘yinlarda jami 38 ta gol urdi va o‘z darvozalariga 8 ta to‘p kiritib yubordi.

Ma’lumot uchun, “Bavariya” 6-turdan so‘ng 18 ochko jamg‘argan holda turnir jadvalida peshqadamlik qilmoqda.