“Бавария” Тухель танлаган ўйинчини олиб бермаяпти

“Бавария”ни қабул қилиб олган Томас Тухель ўзи ёқтирган ўйинчиларни Мюнхенга олиб келишга киришиб кетди.

Бу гал тажриюали мураббий “Лестер Сити”нинг таянч ярим ҳимоячиси Уилфред Ндидини ўз жамоасига таклиф қилмоқда.

Бироқ, “Бавария” раҳбарияти 26 ёшли нигерлиялик футболчи трансферига пул ажратишни истамаяпти. Агар Тухель бу ўйинчининг зарурлигини исботлайса, клуб мутасаддилари Ндидини фақатгина ижарага олишга тайёр.

Ндидининг юқори дивизионни тарк этган “тулкилар” билан шартномаси келаси ёз якунланади. Унинг нархи 25 миллион еврога баҳоланмоқда.