"Бавария" Хасанга муносиб ўринбосар изламоқда

Мюнхеннинг "Бавария" клуби спорт директори ўрнига янги мутахассис излай бошлади. Аввалроқ сўнгги 6 йилдан буён ушбу лавозимда ишлаб келаётган Хасан Салиҳамижичнинг истеъфоси эълон қилинган эди.

Бу ўринга асосий даъвогар Макс Эберл бўлиб, у ҳозирда Германиянинг бошқа бир клуби - "РБ Лейпциг"да фаолият юритмоқда. "Бавария" вакиллари Бундеслиганинг 34-туридан ўрин олган "Кёльн"га (2:1) қарши ўйин олдидан Макс билан музокара ўтказишди. Бу ҳақда Bild нашри хабар бермоқда.

Эслатиб ўтамиз, “Бавария” жорий мавсум “Боруссия Дортмунд”ни тўплар нисбати бўйича ортда қолдириб, Германия чемпионига айланди.