"Бавария" япониялик ҳимоячини сотиб олиш арафасида

"Бавария" ушбу ёзда кўплаб трансферларни амалга оширишга ҳаракат қилади. Клубни тарк этиши кутилаётган ҳимоячилар бор. Шу сабабли, раҳбарият янги ҳимоячилар изламоқда. 

"BILD" нашри хабар беришича, мюнхенликлар "Штутгарт"дан Ҳироки Итони ўз таркибига қўшиб олишга яқин турибди. Жамоа унинг 30 миллион евролик товон пулини тўлашга тайёр. 

Ито штутгартликлар билан ажойиб мавсум ўтказди. У 2021 йилда 400 минг евро эвазига сотиб олинган ва энди 30 миллион евро фойда келтирмоқда. 

Эслатиб ўтамиз, Ҳироки Япония таркибида Осиё кубогида иштирок этган. У 3 та ўйинда майдонга тушган.