"Бавария" ёзда "Барселона" ҳимоячисини сотиб олмоқчи

Мюнхеннинг "Бавария" клуби "Барселона" ҳимоячиси Нелсон Семедуга жиддий қизиқиш билдира бошлади. Бу ҳақда Mundo Deportivo нашри хабар тарқатмоқда.

Юқоридаги манбаага кўра немис гранди 26 ёшли португалиялик футболчини ёзги трансферлар даврида сотиб олишни режалаштирмоқда ва шу боис ҳозирча бу борада музокараларни бошлагани ҳам йўқ.

Эслатиб ўтамиз, бундан аввалроқ каталонияликлар Семедунинг трансферини 50 млн еврога баҳолашаётгани ҳақида хабарлар тарқалган эди.

Маълумот учун, Семеду жорий мавсум “Барселона” сафида жами 20 та ўйинда майдонга тушди ва 3 та голли узатмага муаллифлик қилди. Унинг клуб билан амалдаги шартномаси 2022 йилга қадар имзоланган.