"Бавария" ёзда топ форвард сотиб олади, унгача эса...

Германиянинг "Бавария" клуби қишки трансферлар вақтида ҳужумчи сотиб олмоқчи эмас. Жамоа бу муаммони ёзда ҳал қилишни режалаштирган.

"Abendzeitung München" нашрининг хабарига кўра, немис клуби ёзги трансферлар бозорида "Тоттенхэм" футболчиси Харри Кейнни олиб келмоқчи. Бундан ташқари, немислар нишонида Маркус Тюрам ("Боруссия" Мюнхенгладбах) ва Никлас Фюллькруг ("Вердер") вариантлари ҳам бор.

Жамоа устози Юлиан Нагельсман мавсум сўнггигача Томас Мюллердан форвард сифатида фойдаланмоқчи ва Чупо-Мотинг билан рақобатини кўрмоқчи.

Эслатиб ўтамиз, мюнхенликлар таркибида Садио Мане жароҳат сабабли камида уч ойга сафдан чиққани маълум бўлганди. Мане Қатардаги мундиални ҳам шу сабабли ўтказиб юборди.