"Bavariya" Zyule o‘rniga "Chelsi" himoyachisini sotib olmoqchi

"Bavariya" jamoasi yozgi transferlar oynasida markaziy himoyachi sotib olishni rejalashtirgan. Klub rahbariyati mavsum yakunida "Borussiya Dortmund"ga ko‘chib o‘tadigan Niklas Zyule o‘rnini to‘ldirish haqida bosh qotirmoqda.

Hozircha myunxenliklar uchun asosiy nomzod "Chelsi" himoyachisi Antonio Ryudiger bo‘lib turibdi. Ushbu futbolchining yozda erkin agentga aylanishi ham "Bavariya" uchun ayni muddao.

Shuningdek, nemis jamoasining short-listidan "Inter" vakili Stefan de Vrey va "Borussiya" Myonxengladbax a’zosi  Mattias Ginter kabi o‘yinchilar joy olgan.

Ma’lumot o‘rnida, Antonio Ryudiger joriy mavsum APLning 23 o‘yinida 2 gol va 2 assist muallifiga aylangan.