"Bavariya"ning barcha turnirlar doirasidagi mag‘lubiyatsiz seriyasi 20 ta o‘yinga etdi (FOTO)

"Bavariya" Bundesliganing 14-turida "Maynts" (5:2) jamoasini mag‘lub etdi.

Dastlabki bo‘limdan so‘ng, myunxenliklar 0:2 hisobida ortda qolayotgandi, ammo ikkinchi bo‘limda Joshua Kimmix, Leroy Sane va Niklas Zyule bittadan gol urgan bo‘lsa, Robert Levandovski dublni rasmiylashtirdi.

"Bavariya" sentyabr oyida "Xoffenxaym"ga (1:4) yutqazganidan keyin, qatorasiga 20 ta uchrashuvda imkoniyatni boy bermay kelyapti. Myunxen klubi shularning 16 tasida zafar quchgan bo‘lsa, 4 tasida durang o‘ynagan.