Ўзбекистон Колумбияга ютқазмасин!

Валерий Непомняшчий, Ўзбекистон миллий терма жамоасининг собиқ бош мураббийи:

Биз ҳаммамиз Ўзбекистон терма жамоасига мухлислик қиламиз. Колумбия Лотин Америкасининг энг кучли жамоаларидан бири бўлиб, таркибида юқори савияли футболчилар жамланган. Табиийки, уларнинг жисмоний ва ўйин тайёргарлиги ҳам юқори даражада.

Лекин футболда ҳар хил натижалар бўлиши мумкин. Масалан, Испания юлдузлари Кабо-Вердени мағлуб эта олмади.

Барчаси ўзбек футболчилари ўйинни қандай ташкил қилишига боғлиқ бўлади. Улар тузган режа ишлайдими-йўқми, шу муҳим. Ҳозир деярли ҳамма футбол ўйнай олади. Жамоа ўз салоҳиятини қай даражада намоён қила олишини кўрамиз.

Мен кутилмаган натижа бўлишини, Ўзбекистон камида мағлуб бўлмаслигини истайман.

Александр Бубнов, машҳур футбол таҳлилчиси:

Бубновнинг фикрига кўра, Ўзбекистон миллий жамоасининг жаҳон чемпионатидаги асосий вазифаси – Португалия ва Колумбияга қарши ўйинларда имкони борича кам гол ўтказишдан иборат бўлади.  Унинг таъкидлашича, шу икки беллашувдан камида биттасида дуранг қайд этишнинг ўзиёқ Ўзбекистон учун жуда катта ютуқ бўлади.

- Энди Конго Демократик Республикасини эса албатта ютиш керак – шунда ўзбеклар гуруҳдан учинчи ўрин билан чиқишлари мумкин. Бу улар учун жуда катта, ҳатто ақлбовар қилмас натижа бўлади. Лекин мен Конго жамоасини жуда яхши билмайман.

Александр Гацкан, “Ростов” клуби афсонаси:

Машҳур футболчининг таъкидлашича, у “Ростов”да ўзи билан бирга тўп сурган Элдор Шомуродов учун алоҳида мухлислик қилади. Шунингдек, мутахассис Ўзбекистон терма жамоасининг барча учрашувларини албатта томоша қилишини қайд этди.

- Менимча, улар гуруҳда учинчи ўрин учун курашади, - деди Александр Гацкан журналистлар билан суҳбатда.

Виталий Денисов, Ўзбекистон миллий терма жамоаси собиқ футболчиси, Россия чемпиони:

Машҳур ҳимоячи Виталий Денисовнинг таъкидлашича, Ўзбекистон терма жамоасига осон бўлмайди, чунки рақиб жуда кучли. Шу билан бирга, Денисов айнан мана  шу беллашув орқали Ўзбекистон термаси ўз салоҳиятини қай даражада намойиш эта олишини кўриш мумкинлигини қайд этди.

- Ўзбекистон учрашувни иккинчи рақамда бошлаши, рақибни қарши ҳужумларда ушлашга уриниши мумкин. Менимча, асосий тактик йўналиш шу бўлади. Умид қиламанки, Колумбияда ўйин юришмайди ва бундан бизнинг йигитлар фойдаланиб қолишади, - деди Виталий Денисов.

Вячеслав Колосков, Россия футбол иттифоқининг фахрий президенти:

Агар Кабо-Верде, Австралия, Янги Зеландия каби жамоалар жаҳон чемпионатида ўйнаётган бўлса, нима учун Ўзбекистон ҳам ўз даражасини намойиш этмаслиги керак? Ўзбекистонда “Пахтакор” каби кучли футбол мактаби бор, ўз тарбияланувчилари кўп, футбол анъаналари шаклланган. Албатта, катта сенсация кутмаслик керак, лекин терма жамоанинг плей-офф йўлланмаси учун кураша олишига умид қиламан.

Жаҳон чемпионати Мексика, АҚШ ва Канада ҳудудида ўтмоқда. Тарихда илк бор мусобақада 48 та терма жамоа иштирок этяпти. Ўзбекистон миллий терма жамоаси “К” гуруҳида Колумбия, Португалия ва Конго Демократик Республикаси футболчилари билан рақобатлашади.

Бунақаси бўлмаган! "Пахтакор" ўйинчиси Ўзбекистон Суперлигасини мундиал тарихига олиб кирди

Файзуллаев мундиалда порлаши кутилаётган иқтидорлар рейтингидан жой олди

Ўзбекистонни Колумбиянинг энг катта хавфидан огоҳлантиришди

Ҳусанов жаҳон чемпионати суперрейтингидан жой олди!

Ўзбекистон – Колумбия: 18 июндаги ўйинга башорат

Файзуллаев Роналду видео мурожаат йўллаганини тасдиқлади

Колумбия бош мураббийи Ўзбекистонга қарши ўйинга қандай тайёрланаётганини айтди