«Байер» - «Бавария»: Матнли трансляция

Ассалому алайкум, қадрли футбол ихлосмандлари! Германия Бундеслигаси 13-туридан ўрин олган марказий, пешқадамлар ўртасидаги баҳсни сайтимиз орқали матнли тарзда кузатиб боришингиз мумкин. Матнли трансляцияни Абдулла Маннонов олиб боради.

• 90+4'
  

  Учрашув якунланди! "Бавария" қийин ўйинда камбэк эвазига ғалабани илиб кетди. Матнли трансляцияни Абдулла Маннонов олиб борди. Эътиборингиз учун раҳмат!

• 90+3'
  

  ГООООООООООООООООООООЛЛЛ!!! Жарима майдони ичида тўпни қабул қилиб олган Левандовски кучли зарбаси билан дарвозани ишғол этди ва жамоасига ғалаба олиб келди! 1-2!!! Фантастика!

• 90+1'

  Мусса Диаби қанотдан тўпни ажойиб тарзда ичкарига узатиб берди, Лукас Аларио тўпни эгаллай олмади.

• 90'
  

  Учрашувга 3 дақиқа вақт қўшиб берилди.

• 89'
  

  Лукас Аларио яна бир бор офсайдда қолиб кетди.

• 87'
  

  Киммихнинг бурчакдан узатган тўпини Горецка боши билан дарвозага йўналтирди, дарвозабон Лукас Градецки тўпга ажойиб тарзда чиқиб келди ва вазиятни бартараф этди.

• 86'
  

  Лукас Аларио ўйиндан ташқари ҳолатда қолиб кетди.

• 85'
  

  Амири бурчакдан узатган тўпни ҳимоячилар жарима майдончасидан узоқлаштирди.

• 84'

  Надием Амири қанотдан тўпни жарима майдони ичига узатиб берди, бироқ ҳимоячилар тўпни майдон ташқарисига чиқариб юборди.

• 82'
  

  Патрик Шик ўрнига Лукас Аларио майдонга тушди. Мажбурий ўзгариш.

• 80'
  

  Патрик Шик майдонда ётибди. Футболчи тиббий ёрдам олмоқда.

• 78'

  "Бавария" тўп назоратида яққол устунликка эришмоқда.

• 76'
  

  Мезбонлар аъзоси Мусса Диаби офсайдда қолиб кетди, ён ҳакам байроғини кўтарди.

• 74'
  

  "Байер"да ҳам ўзгариш: Леон Бейли ўрнига Керим Демирбай майдонга тушди.

• 72'
  

  Леон Бейли қўполлиги эвазига сариқ карточка билан жазоланди.

• 69'
  

  "Бавария"да навбатдаги ўзгариш: Толиссо ўрнига Киммих, Сане ўрнига Мусиала майдонга тушди.

• 68'
  

  Лайнсмен байроғини кўтарди, Левандовскида офсайд қайд этилди.

• 68'
  

  Бурчак зарбасини ижро этган "Бавария" қисқа паслари билан ҳужумни тугата олмади.

• 65'

  Левандовскининг зарбасига аниқлик етишмади, тўп "Байер"га қайтди.

• 63'

  Гнабри қўпол ўйин ўйнади. Феликс Цвайзер ўйинни тўхтатди.

• 62'

  "Байер"нинг позицион ҳужуми охиригача бормади, "Бавария" қарши ҳужумга ўтиб кетди.

• 60'
  

  Мусса Диаби амалга оширган бурчак тўпи ҳеч кимга насиб қилмади ва ҳаводан ўтиб кетди.

• 58'

  Мусса Диаби жарима майдони ичига тўпни ҳаволатиб етказиб берди, палапартиш вазият юзага келганига қарамай Флик шогирдлари хавфни бартараф этишди.

• 57'

  "Бавария" ҳужумда жуда хавфли ўйин намойиш этмоқда. "Байер" бир амаллаб вазиятдан чиқиб кетмоқда.

• 55'
  

  Лерой Сане бурчак тўпини тезлик билан амалга оширди. Бироқ муваффақиятсиз.

• 54'

  Альфонсо Дэвис чиройли паси билан жамоадошларини ҳужумга чиқариб юборди, зарба эса бироз ноаниқ чиқди.

• 53'
  

  "Байер" футболчиси Эдмонд Тапсобада офсайд қайд этилди.

• 51'

  Юлиан Баумгартлингер қўпол ўйин намойиш этди. Феликс Цвайзер ҳуштагини чалди ва жарима зарбаси белгилади.

• 48'

  Ноаниқ пас бутун майдонни кесиб ўтди, Левандовски тўпга эга чиқа олмади.

• 47'
  

  Леон Бейли узатган тўпни "Бавария" ҳимоячилари бартараф этишди. Қарши ҳужумга ўтиб кетишди.

• 46'
  

  2-тайм бошланди!

• 45'

  Футболчилар майдонга қайтишмоқда, биз ҳам қайтамиз.

• 45+6'
  

  1-тайм якунланди! Драма 2-таймда давом этади! Танаффус.

• 45+5'

  Левандовскининг супер зарбасига бирозгина аниқлик етишмади! 

• 45+4'
  

  Гнабрининг узатмасини ҳимоячилар яна бартараф этди.

• 45+3'
  

  Мюллернинг жарима зарбасини дарвозабон қийинчилик билан қайтарди. Бурчак тўпи.

• 45+2'

  "Байер" ҳимоячиси Юлиан Бумгартлинер ҳимояда қўпол тарзда қоида бузди. Буни кўриб турган ҳакам мюнхенлклар фойдасига жарима зарбаси белгилади. "Бавария"да хавфли вазият юзага келиши мумкин.

• 45'
  

  1-таймга 3 дақиқа вақт қўшиб берилди.

• 43'
  

  ГОООООООООООООЛЛЛ!!! "Бавария" ҳисобни тенглаштирмоқда! Левандовскидан ажойиб гол! 1-1!!!

• 42'

  Мезбонлар ўйинчиси Александр Драгович қўпол ўйнади ва ҳакам ўйинни тўхтатди.

• 41'

  Мюнхенликлар қисқа ва аниқ узатмалар орқали позицион ҳужум уюштирмоқда. Улар рақиб хато қилишини пойлашяпти.

• 39'

  Лерой Сане тўпни ўта аниқ тарзда Роберт Левандовскига етказиб берди, бироқ узатма кучли бўлиб кетганлиги боис Лева тўпни эгаллай олмади.

• 38'

  "Бавария" қисман устунликни қайтармоқда. Тўп назорати мюнхенликлар томонда.

• 35'

  Никлас Зюле рақиб дарвозасига зарба беришга муваффақ бўлди, тўп эса юқорилаб кетди.

• 32'
  

  Коман ўйинни давом эттира олмайди. Захирадан унинг ўрнига Лерой Сане майдонга тушди. Мажбурий ўзгариш.

• 31'
  

  Кингсли Коман майдонда тиббий ёрдам олмоқда. Унинг ўйинни давом эттириши сўроқ остида.

• 30'

  Диабининг ўта аниқ зарбасининг йўлига ҳимоячилар ғов бўлди.

• 28'
  

  "Байер" урган иккинчи гол офсайд сабабли бекор қилинмоқда! Ҳисоб ўзгармади.

• 27'

  Серж Гнабри берган кучли зарба аввал ҳимоячиларга тегди ва секинлашгач дарвозабоннинг қўлига бориб тушди.

• 26'

  "Байер" комбинацион футбол намойиш этмоқда. Улар "Бавария"ни росмана маънода бўғиб ташлашмоқчи.

• 25'
  

  Серж Гнабри қўполлиги учун сариқ карточка билан жазоланди.

• 23'

  "Байер" футболчиси Мусса Диаби берган зарбага аниқлик етишмади. Тўп чап тўсиннинг ёнгинасидан ўтиб кетди.

• 21'
  

  Амири амалга оширган бурчак тўпига "Бавария" футболчилари эга чиқди. Қарши ҳужум.

• 20'
  

  Патрик Шик қанотда тўпни қабул қилиб олди ва зарба позициясига чиқиб кучли зарба берди. Мануэль Нойер эса фантастик сейви билан жамоасини голдан сақлаб қолди!!! Ҳакам бурчакни кўрсатди.

• 18'
  

  Серж Гнабри бурчакдан тўпни жамоадошларига етказиб берди, ҳимоячилар бир амаллаб хавфни бартараф этди!

• 16'

  Томас Мюллер ажойиб тарзда тўпни ҳужумдаги шерикларига узатиб берди. Аммо ҳимоячилар тўпга биринчи эга чиқишди.

• 14'
  

  ГОООООООООООЛЛЛ!!! "Бавария" яна биринчи бўлиб гол ўтқазиб юбормоқда! Патрик Шик ажойиб техника намойиш этди ва дарвозанинг пастги бурчагига тўпни михлаб қўйди! 1-0!

• 12'

  Леон Бейли яна бир бор яхши позицияга чиқиб олган эди, бироқ унга бу сафар техника панд берди. Зюле вазиятни бартараф этди.

• 10'

  "Байер" футболчиси Дейли Синкгравен бутун майдон бўйлаб пас амалга оширди, бироқ тўпга эга чиқувчи шерик топилмади.

• 7'

  Мезбонлар вингери Леон Бейли тўпни йўқотди, жамоанинг қарши ҳужуми ҳам барҳам топди. Тўп энди мюнхенликларда.

• 5'

  "Байер" футболчиси Жонатан Цвайзер тўпга қўпол тарзда чиқиб келди, ҳакам фол қайд этди.

• 4'
  

  "Бавария" бурчак тўпидан хавфли ҳужум ташкил эта олмади. Тўпни "Байер" футболчилари эгаллаб олди.

• 3'

  Илк дақиқаларданоқ "Бавария" футболчилари устунликни қўлга олишга ҳаракат қилмоқда. 

• 1'
  

  Учрашув бошланди!

• 0'

  Футболчилар майдонга чиқиб келишмоқда.

• 0'

  Ассалому алайкум, қадрли футбол ихлосмандлари! Германия Бундеслигаси тур марказий учрашувига хуш келибсиз! Матнли трансляцияни Абдулла Маннонов олиб боради.