"Байер" "Реал Мадрид"нинг собиқ футболчисини янги мураббий сифатида тайинламоқчи

Душанба куни Леверкузеннинг "Байер" клуби Эрик тен Хаг билан ҳамкорликни тўхтатганини эълон қилди. Немис матбуотининг хабар беришича, жамоа раҳбарияти яқин кунларда янги бош мураббийни танлайди.

"Marca" нашрининг маълумотларига кўра, клуб рўйхатига уч номзод киритилган:

Рауль – "Реал"нинг ёшлар жамоасини 6 йил давомида бошқарган ва 2024/25-йил мавсуми бошида лавозимини тарк этган.

Эдин Терзич – 2022–2024 йилларда Дортмунднинг "Боруссия"сида ишлаган мураббий.

Марко Розе – сўнгги бор "РБ Лейпциг"да фаолият олиб борган (2022–2025).

Маълумот ўрнида, янги мураббий тайинлови ҳафта охиригача эълон қилиниши кутилмоқда.

Эслатиб ўтамиз, нидерландиялик мутахассис "Байер" бош мураббийи сифатида Бундеслигада 2 та ўйин ўтказди ва ғалаба қозона олмади.